Oppsynsområdet
SNO Sogndal har ansvar for naturoppsyn i indre delar av Sogn og Fjordane.
Arbeidsoppgåver
SNO Sogndal har som oppgåve å driva naturoppsyn med heimel i lov om statleg naturoppsyn innafor sitt oppsynsområde. Føremålet er å ivareta nasjonale miljøverdiar og førebygga miljøkriminalitet. Meir konkret medfører dette kontroll med reglane gjeve i medhald av Friluftslova, Naturvernlova, Motorferdselslova, Kulturminnelova, Viltlova, Laks og innlandsfisklova og delar av Forureiningslova. Oppsynet driv og med rettleiing og informasjon, samstundes som det kan driva med skjøtsels-, registrerings- og dokumentasjonsarbeid.
SNO Sogndal har ei særleg oppgåve med oppsyn i Jostedalsbreen nasjonalpark og nokre mindre verneområde i regionen. Verneområda omfattar eit samla areal på 1.373 kvadratkilometer fordelt på ein nasjonalpark, 14 naturreservat, to fuglefredningsområde, ei fuglelivsfredning og tre naturminne.
SNO Sogndal løyser deler av sine oppsynsoppgåver gjennom tenestekjøp frå Luster kommune og Holen Naturservice i Olden. Til saman utførar desse oppgåver knytt til naturoppsyn med hovudvekt på informasjon og skjøtsel i Josterdalsbreen nasjonalpark og Nigardsbreen naturreservat
